Îsal cara 81. Xelatên Cîhana Zêrîn hatine belavkirin ku bi îngilîzî jê re Golden Globes tê gotin. Ev xelatdayîn ji alîyê Yekîtîya Çapemenîya Bîyanî ya Hollywoodê ve hate pêkanîn. Ji beşên cuda de çendîn xelat hatine belavkirin. Bername ji alîyê Jo Koy ve hate pêşkêşkirin.
Di vê çarçoveyê de xelata baştirîn anîmasyonê “The Boy and the Heron” stand. Her weha di qada dramayê de xelata baştirîn mêrî Cillian Murphy stand. Di kategorîya sînemayê de, filmê “Oppenhemier”ê xelata baştirîn filmî dramayê stand û derhenêrê wê Christopher Nolan jî xelata baştirîn derhênerî stand.
Kîjan Xelat di Kîjan Beşê de Kê Wergirt?
Di qada televizyonê de rêzefilmanê Succession çar xelat, rêzefilmanê Beef û rêzefilmanê The Bear her yekê sê xelat wergirtin. Di qada sînemayê de filmê Oppenheimer pênç xelat, filmê Poor Things û filmê Anatomy of a Fall her yekê du xelat wergirtin. Filmê Barbieyê bi tenê xelatek wergirt. Li gor beşan xelatên hatine wergirtin weha ne:
Televizyon:
- Baştirîn Dramaya Televîzyonê: Succession
- Baştirîn Lîstikvana Jin di Dramayê de: Sarah Snook (Succession)
- Baştirîn Lîstikvanê Mêr di Dramayê de: Kieran Culkin (Succession)
- Baştirîn Rêzefîlma Minî/Filma Televizyonê: Beef
- Baştirîn Lîstikvana Jin di Rêzefilma Minî/Televizyonê de: Ali Wong (Beef)
- Baştirîn Lîstikvanê Mêr di Rêzefilma Minî/Televizyonê de: Steven Yeun (Beef)
- Baştirîn Lîstikvana Arîkar a Jin di Rêzefilma Minî/Televizyonê de: Elizabeth Debicki (The Crown)
- Baştirîn Lîstikvanê Arîkar ê Mêr di Rêzefilma Minî/Televizyonê de: Matthew Macfadyen (Succession)
- Baştirîn Rêzefîlma Televîzyonê di Muzîkê de: The Bear
- Baştirîn Lîstikvana Jin di Muzîkî/Komedîyê de: Ayo Edebiri (The Bear)
- Baştirîn Lîstikvanê Mêr di Muzîkî/Komedîyê de: Jeremy Allen White (The Bear)
Sînema:
- Baştirîn Filmê Dramayê: Oppenheimer
- Baştirîn Derhêner: Christopher Nolan (Oppenheimer)
- Baştirîn Film di Muzîkî/Komedîyê de: Poor Things
- Baştirîn Fîlmê Biyanî: (Anatomy of a Fall)
- Baştirîn Anîmasyon: The Boy and the Heron
- Baştirîn Senaryo: Justine Triet û Arthur Harari (Anatomy of a Fall)
- Baştirîn Strana Orjînal: What Was I Made For? (Billie Eilish û Finneas, Barbie)
- Baştirîn Muzîk Orîjînal a Filmî: Ludwig Göransson (Oppenheimer)
- Baştirîn Lîstikvana Jin di Mûzîkî/Komedîyê de: Emma Stone (Poor Things)
- Baştirîn Lîstikvanê Mêr di Mûzîkî/Komedîyê de: Paul Giamatti (The Holdovers)
- Baştirîn Lîstikvana Jin di Dramayê de: Lily Gladstone (Killers of the Flower Moon)
- Baştirîn Lîstikvanê Mêr di Dramayê de: Cillian Murphy (Oppenheimer)
- Baştirîn Lîstikvana Jin a Arîkar di Dramayê de: Da’Vine Joy Randolph (The Holdovers)
- Baştirîn Lîstikvanê Mêr ê Arîkar di Dramayê de: Robert Downey Jr (Oppenheimer)
Xelata Cîhan Zêrîn Çi ye?
Xelata Cîhana Zêrîn her sal li welatê Dewletên Yekbûyî yên Amerîkayê bi rêûresmên şahîyane li film û dîzîyên televizyona tên belavkirin. Ev xelatdayîn ji sala 1944an heta niha dewam dike. Di endistirûya filman de xwedî prestîjek mezin heye.